كيف تحمي جهازك من الملفات الخبيثة باستخدام خيارات المجلدات وبيئة Windows Sandbox
من أهم الأمور اللي بعملها لما أفرمت الكمبيوتر، هي الدخول من أي مجلد على الكمبيوتر، واختيار الثلاث نقاط وبعدها خيارات المجلد (Folder Options) ثم عرض (View). من هناك، بفعّل خيار إظهار الملفات المخفية (Show hidden files) وبلغي تفعيل خيار إخفاء ملحقات الملفات (Hide extensions for known file types).
هذول الخيارين بيعملوا كالتالي: الخيار الأول، وهو إظهار الملفات المخفية، بيسمحلك تشوف لو في ملفات مخفية داخل أي مجلد مضغوط حملته من الإنترنت. ولما تفك ضغطه رح تظهر هاي الملفات، وهيك إنت بتفحص أي شيء بتحمله. هذا بيعطيك طرق أفضل في فحص الملفات الخبيثة والفيروسات، ولحتى تشوف كل شيء ممكن يكون مخفي عندك على الكمبيوتر.
الخيار الثاني والمهم جداً، هو خيار إظهار ملحقات الملفات (Extensions). لما تفعله، بتصير تميز الملفات الموجودة عندك؛ مثلاً ملف نصي بينتهي بـ .txt، ملف بايثون .py، أو ملف مضغوط .zip. الفائدة العظيمة هون، إنك لو حملت ملف وصلك على الإيميل أو واتساب، وشكله أيقونة صورة، لكن امتداده .exe، ففوراً بتعرف إنه هذا ملف خبيث وممكن يكون فيروس. الهاكرز بيستخدموا أساليب كثيرة للتحايل، ممكن يغيروا امتداد ملف تنفيذي ضار مثل .cmd ليظهر كأنه ملف وورد (Document file)، وبمجرد تشغيله بيتسبب في اختراق جهاز الكمبيوتر الخاص بك واختراق حساباتك.
كيف تحمي حالك وتفحص الملفات بأمان؟
معرفة الامتدادات مش كافية لحالها. لازم تحمي حالك من خلال إنك تتعلم أساليب الهاكرز، وتشغل كل شيء بتشك فيه أو أي ملفات تنفيذية في بيئة تجريبية مفصولة. أفضل بيئة تجريبية هي ويندوز ساند بوكس (Windows Sandbox)، واللي بتقدر تفعلها على ويندوز الخاص بك.
ميزة الساند بوكس إنها بتعطيك نظام ويندوز وهمي نفس الموجود عندك، بتنقل عليه أي برنامج بدك تجربه (نسخ ولصق). بتشغل الملف وتتأكد هل هو خبيث ولا طبيعي، أو حتى بتستعرضه بشكل مؤقت. وبمجرد ما تسكر نافذة الويندوز ساند بوكس، كل شيء موجود فيه رح ينحذف تماماً! وهيك إنت بتضل فاصل البيئة الحقيقية عن البيئة الوهمية، وبتضلك في السليم من الاختراقات.
خطوات التأكد من دعم جهازك وتفعيل Windows Sandbox:
- للتأكد من أن جهازك يدعم الميزة، اذهب إلى مدير المهام (Task Manager)، ثم الأداء (Performance). لاحظ في الأسفل خيار الفيرتشواليزيشن (Virtualization)، لازم تكون فعالة (Enabled).
- لتفعيل الميزة، اضغط بالزر اليمين على قائمة ابدأ، اختار (Run)، واكتب هذا الأمر لسهولة الوصول: appwiz.cpl واضغط OK.
- من القائمة الجانبية، اختار (Turn Windows features on or off).
- انزل لأسفل القائمة لحد ما توصل لـ (Windows Sandbox)، ضع علامة صح واضغط OK.
- بس يخلص إعدادات، أعد تشغيل الكمبيوتر. بعدها بتقدر تفتح الساند بوكس من قائمة ابدأ وتستخدمه.
هذه بعض الأفكار اللي موجودة عند الهاكرز كيف ممكن يخترقوك، وبعض الأساليب اللي ممكن تستخدمها لحتى تزيد حماية حالك. ومثل ما ذكرت، الحماية الأفضل هي إنك تدرس وتتعلم وتواكب جديد عمليات الاختراق. وأي شيء بتشك فيه وما عندك خبرة فيه، بإمكانك تسأل الذكاء الاصطناعي عنه، أو تستشير خبير في أمن المعلومات؛ فأغلب الأشخاص الدارسين للكمبيوتر اليوم عندهم خبرة ملائمة ليفيدوك.
خليكم سيف، تحياتي وما تنسوا تشاركوا المعلومات مع أصدقائكم!
وجدت هذه المقالة مثيرة للاهتمام؟ شاركها مع اصدقائك .. لا تنسى متابعتي على منصات التواصل الاجتماعي.. https://shreateh.net/links