كل اللي عليك تعمله إنك تفتح جوجل وتكتب "Chrome Web Store" وتفوت عليه، وبعدها تبحث عن الإضافة بإسم "Remind Me".
الإضافة هاي بتمكّنك من إنشاء تذكيرات (Reminders) مباشرة من متصفحك، يعني إذا عندك موعد مهم أو شغلة ما بدك تنساها، الإضافة هاي رح تساعدك.
أول إشي بتضغط على زر Add to Chrome عشان تثبّت الإضافة، وبعد ما تضغط على Add Extension بتصير الإضافة جاهزة للاستخدام.
بعد التثبيت، رح تلاقي الإضافة موجودة فوق على يمين المتصفح (جنب الشريط العلوي). إذا ما لقيتها، اضغط على أيقونة الـ Puzzle (الأدوات)، وثبّت الإضافة في الشريط.
شو بتعمل الإضافة؟ ببساطة، بتسمحلك تعمل تذكيرات بمواعيد معينة، ووقتها جوجل كروم رح يعطيك تنبيه عشان ما تنسى.
أهم شغلة لازم تعرفها إنه الإضافة بتستخدم تنبيهات نظام التشغيل عندك، وبتشتغل بشكل ممتاز على ويندوز 10 و11. إذا عندك ويندوز 11، النوتيفيكيشنز رح تظهر بطريقة أنيقة جدًا.
قبل ما تبلّش، تأكد إن التنبيهات (Notifications) عندك شغالة. روح على قائمة "Start" → "Settings" → "System" → "Notifications"، وتأكد إنك مفعّل تنبيهات جوجل كروم.
هسا لو فتحت الإضافة، رح يطلب منك تعبّي شوية بيانات:
Title (العنوان): هذا إجباري، لازم تكتب شو الموضوع.
Description (الوصف): هذا اختياري، بتقدر تكتب وصف للتذكير.
Date & Time (التاريخ والوقت): اختار من الكالندر (التقويم) التاريخ والساعة اللي بدك الإشعار يجيك فيها.
URL (رابط): إذا فيه رابط متعلق بالتذكير، بإمكانك تضيفه.
لما تخلص، اضغط على زر Set Reminder. لو التاريخ أو الوقت غلط (يعني ماضي)، رح يعطيك رسالة خطأ. بس لما يكون كل شي صحيح، رح يعطيك رسالة "Reminder Saved Successfully".
لما يجي وقت التذكير، رح يطلعلك إشعار بالنوتيفيكيشنز. إذا الإشعارات ما ظهرت، تأكد إنك مش مفعل وضع "عدم الإزعاج" (Do Not Disturb) بجهازك.
بعد انتهاء التذكير، رح تشوف خط صغير على التذكير بمعنى إنه انتهى. إذا بدك تعدله، اضغط على Edit وعدّل الوقت أو العنوان.
إذا عندك تذكيرات كثيرة قديمة وبدك تحذفهم دفعة وحدة، استخدم زر Delete Past Reminders.
الإضافة كمان فيها ميزة رائعة وهي الـ Context Menu. إذا ظلّلت نصًا على صفحة الإنترنت (زي عنوان مباراة أو موعد معين)، بتقدر تنشئ تذكير مباشر من خلال القائمة.
الإضافة بسيطة جدًا وسهلة الاستخدام، ومفيدة لأي حدا بحب ينظم وقته أو يتابع مواعيده. جربوها وأعطوني رأيكم في التعليقات!
وجدت هذه المقالة مثيرة للاهتمام؟ شاركها مع اصدقائك .. لا تنسى متابعتي على منصات التواصل الاجتماعي.. https://shreateh.net/links