أول إشي، لازم تعرف إنه إزالة النتائج من جوجل مش معناها إنك حذفتها من الموقع اللي موجودة عليه. إذا كانت النتيجة على موقع تاني، لازم تبلغ الموقع عشان يحذفوها. وإذا كان الفيديو موجود على يوتيوب، لازم تقدم بلاغ لليوتيوب عشان يزيلوه. وباقي المواقع كمان لازم تتبع نفس الطريقة.
الطريقة الأولى لإزالة النتيجة بتعتمد على الدولة اللي أنت فيها، يعني مش بكل الدول. لو كنت في دولة غربية أو أجنبية، ممكن تفتح قائمة جانبية جنب النتيجة من خلال النقر على الثلاث نقاط أو الـ "منيو". بعدها رح تلاقي خيار "طلب إزالة المحتوى" أو "Remove Result"، اضغط عليها واتبع الخطوات.
أما الطريقة الثانية، فبتكون من خلال البحث في جوجل عن "طلب إزالة محتوى شخصي من جوجل". تأكد إنك تدخل على المقالة الخاصة في جوجل على الرابط google.com. في هاي المقالة رح تلاقي شرح عن إزالة المحتوى المتعلق فيك من جوجل. بعد ما تفتح الصفحة، نزل للأسفل لغاية ما توصل لخيار "بدء الطلب". اضغط عليها وراح يطلب منك تحديد نوع المحتوى اللي بدك تحذفه، زي ما بيطلب منك تحديد معلوماتك الشخصية.
المهم تتأكد إنك تختار "محتوى يتضمن معلومات شخصية"، والدولة المفروض تظهر تلقائي، وإذا ما ظهرت بتقدر تختارها. بعدين، أكمل الخطوات لغاية ما تقدم الطلب. في بعض الأحيان بيطلب منك توضح بالضبط شو اللي بدك تحذفه من نتائج البحث، سواء كان بريدك الإلكتروني، رقم تلفونك، أو أي معلومات تانية.
وبعد ما تقدم الطلب، رح يطلب منك رابط النتيجة اللي بتظهر في البحث، وممكن تكون مضطر تضيف صور سكرين شوت كمستندات داعمة. ما تنسى تشارك هاي المعلومات مع أصدقائك!
تحياتي.
وجدت هذه المقالة مثيرة للاهتمام؟ شاركها مع اصدقائك .. لا تنسى متابعتي على منصات التواصل الاجتماعي.. https://shreateh.net/links